Миллионлаб томошабин ва мухлислар қалбидан жой олган фильмларнинг нафақат сюжети, актёрлар маҳорати, балки ҳар бир детали ёддан чиқмаслиги аниқ. Айниқса, ҳақиқатан ҳам ўзига хос дизайнга эга ва нозик дид билан яратилган бўлса.
«Жаноблар малла сочларни хуш кўради» фильмида Лорелей Ли таққан тақинчоғи
Мерлин Монронинг ҳар гал эфирда чиқиши ўзига хос воқеа бўлган, лекин «Жаноблар малла сочларни хуш кўради» фильми мухлислар қалбидан жой олган. Айниқса, актрисанинг пушти либосда қўшиқ куйлаб, рақсга тушган саҳнаси эсда қоларли бўлган. Мадонна Material girl қўшиғидаги клипда ушбу образни кўчирган. Ушбу образ ҳақида гап кетганда бриллиант тақинчоққа алоҳида тўхталиш керак, чунки усиз кўриниш тўлиқ бўлмас эди. Кўзни қамаштирадиган ушбу тақинчоқ ҳалигача барча қизларнинг орзуси ҳисобланади, заргарлар эса ундан нусха олишдан чарчамайди.
«Тиффанидаги нонушта» фильмидаги Холли Голайтли таққан тақинчоқ
Трумен Капот асарининг экранизацияси «Тиффанидаги нонушта»фильмида Одри Хепбёрн ижросидаги қаҳрамон таққан тақинчоқ ҳалигача қиз ва аёллар учун севимли аксессуарлардан бири ҳисобланади. Givenchy брендидан тақдим қилинган қора либос ва тақинчоқ умумлашмасидан ташкил топган образ эса фильмдан кейин бир жуда ҳам кўп такрорланган.
«Ёқимтой аёл» фильмидаги Вивеннинг маржони
Мазкур фильм севги борасида ҳеч қандай ижтимоий келиб чиқиш роль ўйнамаслигини исботи ҳисобланади. Унда Ричард Гир гавдалантирган қаҳрамон операга боришидан аввал Жулия ижро қилган қаҳрамон қизга дабдабали оқшом либоси ва ёқут ҳамда бриллиантлар билан безатилган тақинчоқ танлаб беради. Фильм экран юзини кўрганига 30 йил бўлганига қарамай, бугунги кунгача аёллар севимли инсонидан шундай совға қабул қилишни истайди.
«Титаник»да Роуз таққан тақинчоқ
Жеймс Кэмероннинг фильмида «Уммон қалби» деб аталган, сюжет сўнгида денгизга ташлаб юборилган тақинчоқ «Титаник»нинг воқеалар давомийлиги ва Кейт Уинслетнинг образида ҳам ўзига хос роль ўйнаган. Шундан кейин Vetements бренди томонидан тақинчоқнинг дизайни такрорланган нусхаси тақдим қилинган. Фильмга саундтрек куйлаган Селин Дион айнан ушбу тақинчоқни тақиб, кўриниш берган ва мухлислари кўзини қувнатган.
Изоҳ (0)