Замонавий аксессуарларни тақинчоқларсиз тасаввур қилиш мушкул. Айнан улар образни якунлаш хусусиятига эга. Оддий кийим билан тақилган, тўғри танланган тақинчоқ street style ёки подиум юлдузларидек кўринишга сабаб бўлади.
2020 йилда аксессуарлар орасида монозираклар (қулоқнинг бир тарафига тақиладиган) тренд борасида етакчилик қила бошлади. Образ ўзига хос бўлиши учун улар қанча катта бўлса, шунча яхши.
Мода оламида ҳам йирик ҳажмли зирак билан чиқишлар бир неча марта намойиш этилди. Valentino брендининг куз-қишки коллекцияси тақдимоти бунинг исботи.
Шакл ва услуб борасида занжирли ва тилларанг моделларга эътибор қаратган яхши. Турли мавҳум шакллар акс этган бўлса, яна яхши. Масалан, Пьерпаоло Пиччоли томонидан Valentino учун тақдим қилинган сюрреалистик зираклар кафт катталигида бўлиб, мураккаб геометрик дизайнга эга.
Дрис Ван Нотeн томонидан тақдим қилинган зирак эса қулоқни буткул ёпиб, елкагача тушиб туради. Аммо танлов қилиш учун турли моделларни кўриб чиқиш, унинг ташқи кўриниш, юз шакли ва кийиниш услубига қанчалик мос тушишини инобатга олиш керак.
Илҳомланиш учун эса минимал услубдаги ва шу билан образга ўзгача кўрк берадиган энг яхши вариантлар билан бўлишамиз.
Изоҳ (0)