Қишки образингизни хунук ва дидсиз кўринишига сабаб бўладиган куртка моделлари қайсилар эканлиги ҳақида маълумот бериб ўтамиз.
Белбоғи резинкали куртка
Бундай моделлар аллақачон ўтмишда қолган. Резинка белбоғли курткалар бугунги кун ва замон учун долзарб эмас. Яхшиси, эътиборингизни ушбу мавсумда тренд бўлиши кутилаётган қавилган, ўртача узунликдаги ва оддий белбоғли пальто ва курткаларга қаратинг.
Мўйна билан безатилган куртка
Авваллари мўйнали кийим-кечаклар урфда бўлган бўлиши мумкин, лекин бугунги кунда бундай кийимни кийган аёл ёки қиз дидсиз кўринади. Альтернатив сифатида экомўйнадан тикилган шубаларни танлаш тавсия қилинади. Ё бўлмаса кенг бичимли дублёнкаларга эътибор қаратишингиз мумкин. Аммо сиз куртка кийишни истасангиз, унда ортиқча безакларсиз сипо моделларни танлаганингиз яхши.
Нақшли ёки гул принтли куртка
Бу моделни гардеробингиздан, кийим борасида бундай куртка танлашни эса хаёлингиздан чиқариб юборганингиз яхши. Бир хил тўқ кийинган атрофдаги одамлардан ажралиб туришни истасангиз, яхшиси ёрқин рангли, аммо безак ва принтсиз моделларга эътибор қаратинг.
Кўйлак бичимли куртка
Куртка ва кўйлак икки хил турли нарса эканлигини унутманг. Бундай бичимдаги куртка сизни дидсиз кўринишингизга сабабчи бўлади.
Кўриниши капалак қуртини эслатадиган моделдаги куртка
Ёпишиб турадиган, ялтираган матодан тикилган бундай моделлар аввал машҳур бўлган бўлиши мумкин, лекин ҳозир эмас. Кўриниши капалак қуртини эсга соладиган моделларни унутиб, мазкур мавсумда долзарб бўлган ипак қурти кўринишидаги куртка моделларини харид қилиш тавсия қилинади. Шунингдек, адёлни эсга соладиган курткалар ҳам қулай ҳам чиройли кўринади.
Калта, қавилган куртка
Агар сиз бир ой давомида спорт залда мушакларига ишлов берган кишидек кўринишни ишламасангиз, бундай курткадан воз кечинг. Бунақанги модель билан қоматингиз пропорсионал кўринмайди, тананинг юқори қисми кенг, пастки қисми эса ингичка бўлиб қолади. Бунинг ўрнига oversize моделларни танлаш белга урғу бериш учун эса белбоғлардан фойдаланиш керак.
Изоҳ (0)