Коронавирусни бошдан ўтказиб, ниқоб тақмай юрган кишилар инфекциянинг энг хавфли тарқатувчиларидир. «РБК»нинг хабар беришича, бу ҳақда Россияда хизмат кўрсатган шифокор, профессор, тиббиёт фанлари доктори, пулмонолог Александр Карабиненко маълум қилди.
«Коронавирусни бошдан ўтказиб бўлганлик ниқобсиз юрганлардан инфекция юқтиришдан ҳимоя қилмайди», — дейди Карабиненко. Унинг айтишича, инфекцияни бошдан ўтказиб бўлганлар уни «эркин, ҳеч қандай тўсиқларсиз» тарқатади.
Пулмонологнинг таъкидлашича, касалланиб бўлгандан кейин ҳам вирус юқори нафас йўлларида сақланиб қолади, шунинг учун ниқоб тақиш лозим. Ушбу ҳимоя воситасидан фойдаланмайдиганлар коронавируснинг фаол тарқатувчилари ҳисобланади. «Биринчи навбатда бу бирор нарсани исботлаш қийин бўлган болалар, ёшлардир», — дея сўзларини якунлаган шифокор.
Октябрь ойида Принстон университети, Жонс Ҳопкинс университети ва Калифорния университети олимлари коронавируснинг асосий тарқатувчилари болалар ва ёшлар эканлиги, уларга COVID-19 ҳолатларининг учдан бир қисми тўғри келишини маълум қилган. Тадқиқотчилар ўз тенгдошидан вирус юқтириш осонлигини, болалар ва ёшларда бунинг эҳтимоли айниқса юқорилигини таъкидлаган.
Кейинчалик, «Роспотребнадзор»нинг Пастер номидаги Эпидемиология ва микробиология илмий тадқиқот институти директори, Россия Фанлар академиясининг академиги Арег Тотолян болалар коронавируснинг фаол ташувчиси эмаслигини, чунки вирус ҳужайраларга кириб борган тақдирдагина организмда кўпайишини айтган. Коронавирус ҳужайрага АCЕ2 рецептори орқали киради, унинг миқдори болаларда минимал даражада бўлиб, катта бўлган сари кўпайиб боради.
Изоҳ (0)