Россияда 13 ноябрь тонгги ҳолатга кўра, коронавирусга чалиниш билан боғлиқ 21 983 та янги ҳолат қайд этилди, деб хабар бермоқда Meduza. Бу касалланганлар сони суткалик ортиши бўйича янги антирекорд. Ундан аввалги рекорд — суткасига 21 798 киши — 9 ноябрь куни қайд этилганди.
Энг кўп касалланиш ҳолатлари Москва (суткасига 5974 та) ва Санкт-Петербург (1756 та) шаҳарлари, Москва (760 та) ҳамда Нижний Новгород (433 та) вилоятларида кузатилган.
Мавзуга доир: Москва мэри Сергей Собянин шаҳар аҳолисининг қанчаси коронавирусга чалиниб чиққанини айтди
Сўнгги бир кеча-кундузда инфекциядан 411 киши, пандемия бошланганидан буён эса 32 443 киши вафот этган. Бундан бир кун аввал 439 киши вафот этиб, COVID-19’дан сутка давомида ўлим ҳолатлари бўйича антирекорд бўлганди.
Соғайганлар сони 1 406 903 нафарни ташкил этмоқда, шулардан 18 735 нафари сўнгги суткада тузалиб чиққан.
«Роспотребнадзор» маълумотларига кўра, мамлакатда коронавирусни аниқлаш бўйича сўнгги 24 соат ичида 636 мингта, умумий ҳисобда эса 67,3 миллионтадан ортиқ тест ўтказилган.
Мавзуга доир: Россияда «самоизоляция» 2020 йил сўзи деб топилди
Изоҳ (0)