«Ўзбекистон темир йўллари» АЖ томонидан йўловчиларнинг замонавий поездларга бўлган талабини тўла қондириш мақсадида Тошкент–Самарқанд–Тошкент йўналишида ҳаракатини амалга ошираётган 764/763-сонли «Афросиёб» электропоездининг рейси яна биттага кўпайтирилмоқда. Бу ҳақда Транспорт вазирлиги хабар қилди.
Қайд этилишича, ҳозирги кунга қадар ҳафтада 2 маротаба (шанба ва якшанба кунлари) ҳаракатини амалга ошираётган мазкур замонавий поезд, 2020 йил 13 ноябрдан бошлаб ҳафтада 3 маротаба (жума, шанба ва якшанба кунлари) йўловчиларнинг узоғини яқин қилади.
Шунингдек, мазкур поезднинг ушбу санадан бошлаб Жиззах вокзалида ҳам тўхтаб ўтиши йўлга қўйилади.
Аввалроқ Тошкент метрополитенининг Сергели йўналишида синов тариқасида поезд ҳаракатлангани хабар қилинганди.
Изоҳ (0)