“O‘zbekiston temir yo‘llari” AJ tomonidan yo‘lovchilarning zamonaviy poyezdlarga bo‘lgan talabini to‘la qondirish maqsadida Toshkent–Samarqand–Toshkent yo‘nalishida harakatini amalga oshirayotgan 764/763-sonli “Afrosiyob” elektropoyezdining reysi yana bittaga ko‘paytirilmoqda. Bu haqda Transport vazirligi xabar qildi.
Qayd etilishicha, hozirgi kunga qadar haftada 2 marotaba (shanba va yakshanba kunlari) harakatini amalga oshirayotgan mazkur zamonaviy poyezd, 2020-yil 13-noyabrdan boshlab haftada 3 marotaba (juma, shanba va yakshanba kunlari) yo‘lovchilarning uzog‘ini yaqin qiladi.
Shuningdek, mazkur poyezdning ushbu sanadan boshlab Jizzax vokzalida ham to‘xtab o‘tishi yo‘lga qo‘yiladi.
Avvalroq Toshkent metropolitenining Sergeli yo‘nalishida sinov tariqasida poyezd harakatlangani xabar qilingandi.
Mavzuga doir:
- Samarqandda temiryo‘l relsiga tosh qo‘yib qo‘ygan 40 yoshli erkak qo‘lga olindi
- Osiyo taraqqiyot banki Farg‘ona vodiysidagi temiryo‘llarni modernizatsiya qilish uchun 121 million dollar ajratdi
- Xorazmda temiryo‘l relsi yonida uxlab qolgan mast fuqaro sabab Xiva—Toshkent poyezdi 16 daqiqa to‘xtab qoldi
Izoh (0)