iPhone 12 ва iPhone 12 mini смартфонлари iPhone 12 Pro ва iPhone 12 Pro Мах’дан кўра камроқ машҳурликка эришди, деб хабар беради IXBT.
Айни вақтда кўплаб дўконлар iPhone 12’ни Apple’нинг расмий сайтидаги нархдан арзонроқ сотмоқда. Шу билан бирга, айрим дўконларда iPhone 12 Pro ўртача 150 долларга қимматроқ. Дунёга машҳур JD ва Suning савдо майдончаларидаги нархлар худди Apple’нинг расмий сайтидаги каби.
Таъкидланишича, iPhone 12 Pro Мах айрим ҳолатларда тавсия этилган нархдан 450 долларга қимматроқ нархда сотилмоқда. Бунга ушбу моделга талабнинг юқорилиги ва омборларда смартфонларнинг етишмаётгани сабаб бўлмоқда. Ҳозирда етказиб бериш хизматлари чекланган, харидорлар эса ўз смартфонларини 3-4 ҳафта кутишга мажбур бўлмоқда. Баъзи ҳолатларда етказиб бериш муддати декабрь охири ёки 2021 йилнинг январи бошларига белгиланган.
iPhone 12 ва iPhone 12 mini’ни эса мос равишда ўртача 5-7 ва 7-10 кун кутиш керак. Бундан ташқари, China Mobile, China Unicom ва China Telecom мобил операторлари контрактли смартфонлар учун 175 доллар миқдорда чегирма таклиф қилмоқда.
Прогнозларга кўра, iPhone 12 2020 йилнинг иккинчи ярим йиллигида 5G алоқа стандартини қўллаб-қувватлайдиган энг харидоргир смартфонга айланади.
Аввалроқ iPhone 12 mini ва iPhone 12 Pro Мах’нинг илк эгалари ўз таассуротлари билан бўлишишни бошлагани тўғрисида хабар берилганди.
Мавзуга доир: iPhone 13’га оид илк маълумотлар: смартфон янги камераларга эга ҳозирги дизайнда қолади
Изоҳ (0)