Хитойинг TENNА регуляторида 5G алоқа стандартини қўллаб-қувватлаш функциясига эга Redmi Note 9 ва Note 9 Pro’га оид янги маълумотлар пайдо бўлди. Смартфон яқин ойлар ичида тақдим этилиши керак, деб ёзади Gizmochina.
Иккала смартфон ҳам ўхшаш дизайнга эга, бироқ техник жиҳатлари бир-биридан катта фарқ қилади. Redmi Note 9 модели 6,53 дюймли, Pro — 120 герц янгиланиш частотасига эга 6,67 дюймли экранга эга бўлади. Шунингдек, асосий камералари ҳам фарқ қилади — 48 мегапикселга қарши 108 мегапиксел.
Redmi Note 9 модели MediaTek Dimensity 800U процессори ва сиғими 5000 мА/соатга тенг аккумуляторга, Note 9 Pro эса Snapdragon 750G ва 4820 мА/соат батареяга эга бўлади. Шунингдек, 4/12 гигабайтли тезкор ҳамда 64/256 гигабайтли ички хотирага эга моделлар ҳам тақдим этилади.
Иккала смартфоннинг ҳам ён томонига бармоқ изи сканери, Android 10 операцион тизими ва microSD-карт слоти ўрнатилади.
Янги моделларнинг нархи ҳақида ҳозирча маълумотлар йўқ, Xiaomi тақдим санасини ҳам расман маълум қилмаган. Тарқалган хабарларга кўра, янгиланган Redmi Note 9 линейкаси ноябрда — аввалги моделлар анонсидан ярим йил ўтиб тақдим этилади.
Аввалроқ Xiaomi келажакдаги Redmi, Poco ва Xiaomi смартфонларига ўрнатиладиган функцияларни танлашни таклиф этаётгани маълум бўлганди.
Изоҳ (0)