11 ноябрь — Бўйдоқлар куни муносабати билан Хитойда ташкиллаштирилган савдоларда OppoReno 4, Xiaomi Mi 10 Extreme Commemorative Edition ва Meizu 17 Pro моделлари энг машҳур ва харидоргир смартфонларга айланди, деб хабар беради IXBT.
«Бўйдоқлар куни»га бағишланган савдолар ўтган ҳафта бошланган. Энг катта чегирмалар 11 ноябрь кунига белгиланган, бироқ ҳозирданоқ Хитойдаги энг йирик JD савдо майдончаси энг машҳур смартфонлар, планшет ва симсиз гарнитуралар рўйхатини эълон қилган.
Ушбу рўйхат савдолар ҳажми, фойдаланувчилар фикри, бренднинг машҳурлиги ва таниқлилиги бўйича тузилган. Энг машҳур ва харидоргир смартфонлар қаторидан OppoReno 4, Xiaomi Mi 10 Extreme Commemorative Edition ва Meizu 17 Pro ўрин олган. Хитой бозорида етакчилик қилувчи Huawei компаниясининг смартфонлари кучли учликдан ўрин олмаган.
Энг яхши планшетлар рўйхатига Microsoft етакчилик қилмоқда, бундан ташқари, учликдан Huawei ва Hkust iFlytek моделлари ҳам ўрин олган. Шунингдек, Huawei энг машҳур гарнитуралар рейтингида биринчи ўринга лойиқ кўрилган, иккинчи ва учинчи ўринларни Xiaomi моделлари эгаллаган.
Мавзуга доир: 2020 йилнинг энг машҳур смартфонлари номи эълон қилинди
Изоҳ (0)