Футбол бўйича Италия А Сериясининг 7-туридан ўрин олган 8 ноябрь, якшанба кунги бир қатор ўйинлар якунланди.
Антонио Конте бошчилигидаги «Интер» жамоаси Бергамога сафар қилди ва «Аталанта»га қарши баҳс олиб борди. Учрашувнинг биринчи бўлимида ҳисоб очилмади. 59-дақиқада Лаутаро Мартинес миланликларни ҳисобда олдинга олиб чиқди. Бунга майдон эгалари 78-дақиқада Алексей Миранчукнинг голи билан жавоб қайтарди. Қолган вақтда шу ҳисоб сақланиб қолди
«Аталанта» 13 очко билан 5-ўринда қолди, «Интер» (12) 7-поғонадан жой олган.
Параллел кечган баҳсда «Женоа» ўз уйида «Рома»ни қабул қилди. Биринчи бўлимга қўшиб берилган вақтда Генрих Мхитарян Рим жамоасининг дастлабки голини урди. Иккинчи бўлим дебютида Марко Пьяца мувозанатни тиклашга муваффақ бўлди. Бироқ кейинроқ арманистонлик футболчи яна иккита тўп киритган ҳолда «бўрилар»нинг ғалабасини таъминлади.
Ўзбекистонлик ҳужумчи Элдор Шомуродов мазкур ўйинни жароҳат сабаб ўтказиб юборди.
Ушбу ғалабадан кейин «Рома» очколарини 14 тага етказиб олган ҳолда 3-ўринга кўтарилди. «Женоа» эса 5 очко билан 17-ўринда бормоқда.
А Серия
7-тур баҳслари
8 ноябрь, якшанба
«Аталанта» — «Интер» 1:1
Голлар: 0:1 – 58 Мартинес, 1:1 – 79 Миранчук.«Аталанта»: Спортелло, Хатебур, Гимшити, Ромеро, Ружери (Мохика, 90), Гомес, Пашалич (Пессина, 59), Малиновский (Миранчук, 59), Фройлер, Толои (Муриэль, 73), Сапата (Ламмерс, 73).
«Интер»: Ҳанданович, Дармиан (Ҳакими, 83), де Врей, Шкриньяр, Янг (Д`Амброзио, 83), Брозович, Видаль (Гальярдини, 70), Санчес (Перишич, 74), Барелла, Бастони, Мартинес (Лукаку, 74).
Огоҳлантиришлар: Мартинес (30), Гимшити (33), де Врей (44), Видаль (69).
«Женоа» — «Рома» 1:3
Голлар: 0:1 – 45 Мхитарян, 1:1 – 50 Пьяца, 1:2 – 66 Мхитарян, 1:3 – 85 Мхитарян.«Женоа»: Перин, Бани, Бираски, Маселло (Гильоне, 70), Кришито, Ровелла, Зайц (Бадель, 81), Радованович (Пеллегрини, 70), Лерагер (Дестро, 81), Пьяца (Пандев, 61), Скамакка.
«Рома»: Лопес, Карсдорп, Рожер, Манчини, Спинаццола (Бруно Перес, 14), Мхитарян, Пеллегрини (Вильяр, 87), Педро, Верету, Смоллинг, Майораль (Кристанте, 61).
Огоҳлантириш: Зайц (5).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)