Футбол бўйича Италия А Сериясининг 7-турида «Ювентус» 8 ноябрь, якшанба куни «Лацио» майдонида меҳмон бўлди.
Учрашувнинг 15-дақиқада Криштиану Роналду туринликларни олдинга олиб чиқди. Танаффусга қадар ҳар икки жамоа вакилларида бир қатор имкониятлар юзага келди. Иккинчи бўлим ҳам тенг курашлар остида ўтди.
Симоне Инзаги шогирдлари сўнгги дақиқаларда босимни кучайтирди ва бу ўз самарасини бермай қолмади. Ҳакам томонидан қўшиб берилган вақтнинг сўнгги сонияларида «Лацио» ҳужумга ўтди ва натижада Филипе Кайседо ўзининг аниқ зарбаси билан ҳисобни тенглаштирди.
Шу тариқа ушбу ўйиндан кейин «Ювентус» 13 очко билан 3-ўринга жойлашди. «Лацио» (11) эса 9-поғонадан жой олган.
А Серия
7-тур баҳси
8 ноябрь, якшанба
«Лацио» — «Ювентус» 1:1
Голлар: 0:1 – 15 Роналду, 1:1 – 90+5 Кайседо.«Лацио»: Рейна, Луис Фелипе, Ачерби, Раду (Худт, 54), Марушич, Фарес (Лаццари, 54), Милинкович-Савич, Каталди (Акпа-Акпро, 77), Луис Альберто (Перейра, 77), Корреа, Мурики (Кайседо, 54).
«Ювентус»: Шенсни, Демирал, Бонуччи, Данило, Фработта, Бентанкур, Куадрадо, Кулусевски (Маккенни, 77), Рабьо, Роналду (Дибала, 76), Мората (Бернардески, 89).
Огоҳлантиришлар: Каталди (45), Бентанкур (51), Акпа-Акпро (78), Куадрадо (84).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)