Хитойнинг Сичуан провинциясидаги Гуанюань шаҳрида яшовчи ит машиналар юришдан тўхтамаётган бир вақтда, йўл ўртасида ўлик ҳолда ётган мушукни уйғотишга уринди ва уни судраб, йўл четига олиб ўтди. Бу ҳақда Daily Mail хабар беради.
Маълум қилинишича, 28 октябрь куни Қора пантера лақабли ит машина мушукни уриб юборганини кўрган. Шундан кейин йўл ўртасида ётган мушук ёнига бориб, панжалари билан уни уйғотишга ҳаракат қилган. Қимирламаганидан кейин тишлари ва олд панжалари билан ўлик мушукни йўл четига судраб олиб ўтган. Итнинг ушбу хатти-ҳаракатлари акс этган видео воқеага гувоҳ бўлган фуқаро томонидан Тик Ток’нинг хитойча версияси Douyin’га жойланган.
Эгаси итининг ушбу хатти-ҳаракати ҳақида тармоққа юкланган видеони томоша қилганидан кейингина билган. У ўша пайт ити ўзи билан сайр қилиб юрганини билдириб, видеони томоша қилганидан кейин у билан бирга воқеа жойига боргани, аммо кўча тозаловчилар аллақачон мушукни кўмиб бўлгани ҳақида хабар топганини қўшимча қилган.
Ит эгасининг айтишича, воқеа юз берганидан бери Қора пантера ҳар гал сайрга чиққанида мушук дўстини қидиришдан тўхтамаган.
Изоҳ (0)