Ниғматилла Йўлдошев Арнасой, Юнусобод, Бувайда ҳокимлари ўринбосарлари ер ажратиб бериш эвазига пора олганини маълум қилди

Ўзбекистонда ўтган икки йилда қишлоқ хўжалиги соҳасига дахлдор вазирлик ва идораларнинг 391 нафар ходимлари турли кўринишдаги жиноятлари учун жавобгарликка тортилган. Бу ҳақда 7 ноябрь куни ташкил этилган коррупция масалаларига оид идоралараро йиғилишда маълум қилинди.

Уларнинг жиноий қилмишлари оқибатида етказилган зарар миқдори 225 миллиард сўмни ташкил этади. Айни пайтда соҳага масъул Қишлоқ ва Сув хўжаликлари тизимида ишловчи 52 нафар ходимларнинг ўзлари коррупциявий жиноятлар учун жавобгарликка тортилган.

Таъкидланишича, Тошкент вилоятида Янгийўл тумани қишлоқ хўжалиги бўлими бошлиғи Йўлдошев ушбу соҳада иш бошлаганига ярим йил ҳам бўлмасдан, «Валиев Инвест барака» фермер хўжалиги раҳбари Валиев билан тил бириктириб, фермер хўжалигининг 30 сотих ер майдонини сохта кадастр ҳужжатларини расмийлаштириш орқали яқин қариндошлари номига ўтказиб, кейинчалик бошқа шахсларга 38 400 долларга сотиб юборган.

Шунингдек, йиғилишда, айрим раҳбарлар томонидан ерлардан хўжасизларча ва ноқонуний фойдаланиш ҳолатларига йўл қўйилаётганлиги қайд этилган.

Хусусан, ер майдонларини хатловдан ўтказиш жараёнида республика бўйича 967 та ҳолатда 34 822 гектар ер майдони қонунга зид ажратиб берилган. Ер ажратиш ва ундан фойдаланишда коррупция, таниш-билишчилик, ошна-оғайнигарчилик ҳолатлари мавжудлиги таъкидланган.

Ер ажратиш ва ундан фойдаланишда коррупция, таниш-билишчилик, ошна-оғайнигарчилик ҳолатлари мавжудлиги таъкидланган.

«Бухоро вилоятида қисқа муддатда ўтказилган ўрганишларда ҳокимликлар томонидан 21 493 гектар ерни ноқонуний муомалага қаратиш билан боғлиқ жами 348 та қонунга зид қарорлар қабул қилинган. Мисол учун, Жондор туман ҳокими Камолов 2020 йил 16 майдаги қарори билан ўринбосари Саидовнинг турмуш ўртоғига 100 гектар ер майдонини чорвачилик йўналишида, гарчи етарли чорваси бўлмаса-да, ноқонуний ажратиб берган», — дея маълумот беради бош прокурор.

Маълум қилинишича, ер ажратиш жараёнларида коррупциявий жиноятлари учун сўнгги икки йилда ҳокимликларнинг 22 нафар масъул ходимлари жавобгарликка тортилган.

Маълум қилинишича, ер ажратиш жараёнларида коррупциявий жиноятлари учун сўнгги икки йилда ҳокимликларнинг 22 нафар масъул ходимлари жавобгарликка тортилган.

Хусусан, 2014 йилда Жиззах вилояти ҳокимлигида бошқарма собиқ раҳбари сифатида ишлаган Саидқулов суд ишларига аралашиб 6 минг долларни фирибгарлик билан олганлиги учун судланган. Шундай бўлса-да, унга яна имкон берилиб, 2019 йил 2 майдан Арнасой тумани ҳокимининг қишлоқ ва сув хўжалиги масалалари бўйича ўринбосари лавозими ишониб топширилган. Саидқулов эса бу ишончни суиистеъмол қилиб, 15 кун ҳам ўтмасдан, яна коррупциявий жиноятга қўл уриб, «Оққуш ҳалол парранда» жамияти раҳбарига 10 гектар ер ажратиб бериш эвазига 13 минг доллар талаб қилиб, 2 минг доллар олганида қўлга тушган.

Ёки Қибрай тумани ҳокими Машарипов «Флоwер Cитй» жамияти раҳбари Аҳмедовга 9,8 гектар ер майдони ажратиб бериш эвазига ҳоким сектори биносини таъмирлаш важи билан 20 минг доллар талаб қилиб, 15 минг долларни қурувчи орқали қўлга киритган. Машарипов февралда жамиятга 9,8 гектар ер майдонини ажратишга эришган. Бундан ташқари, Машарипов ўзининг таъсисчилигида «Салон медиа строй» жамиятини тузиб, мансабидан фойдаланган ҳолда туманнинг турли ҳудудларида жами 10 гектар ерни гўёки иссиқхона қуриш, сабзавотчиликни йўлга қўйиш учун ажратилишига ҳам эришган. Шундан кейин фуқаро Ўрмоновга ушбу ер майдонларини жами 60 минг долларга сотган.

Шу каби, ер ажратиб бериш эвазига Юнусобод туман ҳокими ўринбосари Зоҳидов — 5 минг, Бувайда туман ҳокими ўринбосари Деҳқонов— 20 минг, Мирзо Улуғбек туман ҳокимлиги уй- жой ширкатлари уюшмаси раиси Азизов — 35 минг доллар олганлиги учун қонун олдида жавоб берган.