O‘zbekistonda o‘tgan ikki yilda qishloq xo‘jaligi sohasiga daxldor vazirlik va idoralarning 391 nafar xodimlari turli ko‘rinishdagi jinoyatlari uchun javobgarlikka tortilgan. Bu haqda 7-noyabr kuni tashkil etilgan korrupsiya masalalariga oid idoralararo yig‘ilishda ma’lum qilindi.
Ularning jinoiy qilmishlari oqibatida yetkazilgan zarar miqdori 225 milliard so‘mni tashkil etadi. Ayni paytda sohaga mas’ul Qishloq va Suv xo‘jaliklari tizimida ishlovchi 52 nafar xodimlarning o‘zlari korrupsiyaviy jinoyatlar uchun javobgarlikka tortilgan.
Ta’kidlanishicha, Toshkent viloyatida Yangiyo‘l tumani qishloq xo‘jaligi bo‘limi boshlig‘i Yo‘ldoshev ushbu sohada ish boshlaganiga yarim yil ham bo‘lmasdan, “Valiyev Invest baraka” fermer xo‘jaligi rahbari Valiyev bilan til biriktirib, fermer xo‘jaligining 30 sotix yer maydonini soxta kadastr hujjatlarini rasmiylashtirish orqali yaqin qarindoshlari nomiga o‘tkazib, keyinchalik boshqa shaxslarga 38 400 dollarga sotib yuborgan.
Shuningdek, yig‘ilishda, ayrim rahbarlar tomonidan yerlardan xo‘jasizlarcha va noqonuniy foydalanish holatlariga yo‘l qo‘yilayotganligi qayd etilgan.
Xususan, yer maydonlarini xatlovdan o‘tkazish jarayonida respublika bo‘yicha 967 ta holatda 34 822 gektar yer maydoni qonunga zid ajratib berilgan. Yer ajratish va undan foydalanishda korrupsiya, tanish-bilishchilik, oshna-og‘aynigarchilik holatlari mavjudligi ta’kidlangan.
Yer ajratish va undan foydalanishda korrupsiya, tanish-bilishchilik, oshna-og‘aynigarchilik holatlari mavjudligi ta’kidlangan.
“Buxoro viloyatida qisqa muddatda o‘tkazilgan o‘rganishlarda hokimliklar tomonidan 21 493 gektar yerni noqonuniy muomalaga qaratish bilan bog‘liq jami 348 ta qonunga zid qarorlar qabul qilingan. Misol uchun, Jondor tuman hokimi Kamolov 2020-yil 16-maydagi qarori bilan o‘rinbosari Saidovning turmush o‘rtog‘iga 100 gektar yer maydonini chorvachilik yo‘nalishida, garchi yetarli chorvasi bo‘lmasa-da, noqonuniy ajratib bergan”, — deya ma’lumot beradi bosh prokuror.
Ma’lum qilinishicha, yer ajratish jarayonlarida korrupsiyaviy jinoyatlari uchun so‘nggi ikki yilda hokimliklarning 22 nafar mas’ul xodimlari javobgarlikka tortilgan.
Ma’lum qilinishicha, yer ajratish jarayonlarida korrupsiyaviy jinoyatlari uchun so‘nggi ikki yilda hokimliklarning 22 nafar mas’ul xodimlari javobgarlikka tortilgan.
Xususan, 2014-yilda Jizzax viloyati hokimligida boshqarma sobiq rahbari sifatida ishlagan Saidqulov sud ishlariga aralashib 6 ming dollarni firibgarlik bilan olganligi uchun sudlangan. Shunday bo‘lsa-da, unga yana imkon berilib, 2019-yil 2-maydan Arnasoy tumani hokimining qishloq va suv xo‘jaligi masalalari bo‘yicha o‘rinbosari lavozimi ishonib topshirilgan. Saidqulov esa bu ishonchni suiiste’mol qilib, 15 kun ham o‘tmasdan, yana korrupsiyaviy jinoyatga qo‘l urib, “Oqqush halol parranda” jamiyati rahbariga 10 gektar yer ajratib berish evaziga 13 ming dollar talab qilib, 2 ming dollar olganida qo‘lga tushgan.
Yoki Qibray tumani hokimi Masharipov “Flower City” jamiyati rahbari Ahmedovga 9,8 gektar yer maydoni ajratib berish evaziga hokim sektori binosini ta’mirlash vaji bilan 20 ming dollar talab qilib, 15 ming dollarni quruvchi orqali qo‘lga kiritgan. Masharipov fevralda jamiyatga 9,8 gektar yer maydonini ajratishga erishgan. Bundan tashqari, Masharipov o‘zining ta’sischiligida “Salon media stroy” jamiyatini tuzib, mansabidan foydalangan holda tumanning turli hududlarida jami 10 gektar yerni go‘yoki issiqxona qurish, sabzavotchilikni yo‘lga qo‘yish uchun ajratilishiga ham erishgan. Shundan keyin fuqaro O‘rmonovga ushbu yer maydonlarini jami 60 ming dollarga sotgan.
Shu kabi, yer ajratib berish evaziga Yunusobod tuman hokimi o‘rinbosari Zohidov — 5 ming, Buvayda tuman hokimi o‘rinbosari Dehqonov— 20 ming, Mirzo Ulug‘bek tuman hokimligi uy- joy shirkatlari uyushmasi raisi Azizov — 35 ming dollar olganligi uchun qonun oldida javob bergan.
Mavzuga doir: Piskentda 142 nafar vafot etgan fuqaro nomiga pensiya rasmiylashtirgan Pensiya jamg‘armasi inspektori javobgarlikka tortildi
Izoh (0)