Россиянинг Кемерово шаҳри аэропорти қурилишида ишлаш учун 164 нафар Ўзбекистон фуқароси 6 ноябрь куни чартер рейс орқали жўнаб кетди. Бу ҳақда Ташқи меҳнат миграцияси агентлиги хабар берди.
Маълум қилинишича, мазкур фуқароларнинг транспорт, овқатланиш, патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланади. Уларнинг ойлик иш ҳақи ўртача 40-65 минг рублни ташкил этиши белгиланган.
Мазкур фуқаролар 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.
Қайд этилишича, бугунги кунда Ташқи меҳнат миграцияси агентлиги томонидан аҳоли бандлигини таъминлаш, айниқса, хорижий мамлакатлардаги вақтинча ишсиз қолган фуқароларни ва карантин чекловлари сабабли чет элга ишга кета олмаган фуқароларни хорижга ишга жалб қилишга алоҳида эътибор қаратилмоқда. Шу мақсадда, хорижий салоҳиятли иш берувчилар билан Ўзбекистон фуқароларини йирик қурилиш, хизмат кўрсатиш ва ишлаб чиқариш объектларига ишга жалб қилиш бўйича келишувларга эришилмоқда.
Мавзуга доир:
- «Газпром» заводи атрофидаги қурилишларда ишлаш учун 231 нафар ўзбекистонлик Россияга жўнаб кетди
- Россиянинг Амур вилоятидаги завод қурилишида ишлаш учун 346 нафар ўзбекистонлик жўнаб кетди
- Ўзбекистонлик қассоблар Ҳаж мавсумида Саудия Арабистонига ишга жалб қилиниши мумкин
- Ўзбекистон фуқаролари Саудия Арабистони ва бошқа араб мамлакатларидаги маиший соҳа ишларига жалб қилинади
- Японияда ишлаш истагидаги Ўзбекистон фуқароларига Тошкентда тил ва касб ўргатилади
Изоҳ (0)