Samsung эгилувчан экранга эга ўзининг янги флагман смартфонини тақдим этди, бироқ унинг номидан Galaxy бренди ўрин олмаган. Samsung W21 5G кўплаб жиҳатлари билан Galaxy ZFold2 5G’га ўхшайди, деб хабар беради IXBT.
Эгилувчан 7,6 дюймли Dynamic AMOLED 2Х дисплейи корпус ичига йиғилади, ташқи томонида эса 6,23 дюймли Super AMOLED экран жойлашган. Samsung W21 5G смартфони бир кристалли Snapdragon 865+ тизими асосида яратилган ва у фақатгина бир версияда тақдим этилади — 12 гигабайт тезкор ҳамда 512 гигабайт ички хотира.
Ўлчамлари бўйича Samsung W12 5G смартфони Galaxy З Fold2’дан бироз катта, аммо аккумулятор сиғими ўзгаришсиз қолган— 4500 мА/соат. Шунингдек, у 25 ваттли симли ва 11 ваттли симсиз қувватланиш функциясига эга.
Ўлчамларидан ташқари, янги флагман иккита SIM-карта слотига эгалиги билан ҳам ажралиб туради. Бундан ташқари, қурилманинг орқа панели олтиндан ишланган ва вертикал чизиқларга эга. Камераларининг барчаси 12 мегапиксел.
Хитойда Samsung W21 5G’ни ҳозирда 3000 доллар эвазига олдиндан буюртма қилиш мумкин.
Аввалроқ Samsung компанияси Galaxy Z Fold2 Aston Martin Limited Edition смартфонини тақдим этиши тўғрисида хабар берилганди.
Изоҳ (0)