Таниқли AnTuTu бенчмарки жамоаси Android операцион тизимида ишлайдиган энг самарадор флагман смартфонлар рейтингини тақдим этди, деб хабар беради IXBT.
Таъкидлаш керакки, аввалига биринчи бўлиб Хитой бозори учун рейтинг эълон қилинган ва у халқаро рейтингдан сезиларли фарқ қилади.
AnTuTu’нинг октябрдаги рейтингида Huawei’нинг бир кристалли Кирин 900 тизимида ишлайдиган янги флагмани — Маtе 40 Pro етакчилик қилган. Жамоанинг қайд этилишича, ушбу модель ўз рақибларини «чангида қолдирган». Смартфон 685 339 балл тўплаб, қолган совриндорлардан анча одимлаб кетган.
Иккинчи ўринда 663 979 балл билан Qualcomm Snapdragon 865 процессорига эга iQOO 5 Pro жойлашган бўлса, учинчи ўрин 663 767 балл билан Snapdragon 865 асосли IQOO 5’га насиб этди.
AnTuTu мутахассисларининг таъкидлашича, 685 339 балл — Маtе 40 Pro томонидан эришилган ўртача кўрсаткич ҳисобланади. Маtе 40 Pro’нинг айрим нусхалари 700 минглик баллдан ҳам ўтиб кетган.
«Смартфон ёниқлигида ишлаш самарадорлиги бўйича ҳақиқий мўъжизани кўрсатиб, 720 мингдан ортиқ балл тўплай олади. Албатта, бу каби режимда аккумулятор қуввати кўп кетади», — дейилади хабарда.
Эслатиб ўтамиз, октябрь ойининг ўрталарида iPhone 12 ва 12 Pro ишлаш самарадорлиги бўйича Android флагманларига ютқазиб қўйган эди.
Мавзуга доир: Асус дунёдаги энг кучли смартфонни тақдим этди
Изоҳ (0)