YouTube’даги PhoneBruff канали муаллифи Apple ва Samsung’нинг иккита янги рақобатчи флагманлари устида оддий тест ўтказди. Бунинг учун у иккала смартфонда ҳам турли ҳаракатлар кетма-кетлигини бир хил тезликда амалга оширадиган кичик механик қўлни йиққан, деб ёзади Hi-Tech.Mail.ru.
Реал шароитларни имитация қилиш учун блогер робот кетма-кет очадиган мобил дастурлар ва ўйинларни танлаган. Смартфонлар тезкор хотирадаги дастурларнинг қанчалик тез қайта юкланишини текшириш учун тестни икки доирада ўтказган.
Galaxy Note20 Ultra икки карра устунлик мавжуд, чунки унинг тезкор хотираси 12 гигабайт, iPhone 12’да эса 6 гигабайт. Шу билан бирга, iPhone бозордаги илк 5 нанометрли А14 Bionic процессорига эга бўлган.
Тест натижаларига кўра, iPhone 12 Pro ғолибликни қўлга киритган. У барча мобил дастурлар ва ўйинларни ишга тушириш жараёнида ҳамда қайта тест вақтида ҳам тезкорлик кўрсатган. iPhone 12 Pro барча амалларни бажаришга 2 дақиқа 24 сония сарфлаган бўлса, Galaxy Note20 Ultra’да ушбу кўрсаткичи — 2 дақиқа 41 сония.
Аввалроқ iPhone 12 ва 12 Pro ишлаш самарадорлиги бўйича Android флагманларига ютқизиб қўйгани тўғрисида хабар берилганди.
Изоҳ (0)