Бухорода ўғрилик содир этиб, жазодан қочиб юрган шахс бир ярим ойда қўлга олинди. Бу ҳақда «Дарё»га Бухоро вилоят ИИБ ахборот хизмати хабар берди.
Таъкидланишича, Бухоро шаҳридаги «Соҳибкор» маҳалласи фуқароси, 39 ёшли Б.Н. ўғрилик жиноятини содир этган ва тергов органларидан яшириниб юрган.
Бухоро шаҳар Ички ишлар органлари фаолиятини мувофиқлаштириш бошқармаси ҳузуридаги тергов бўлими томонидан ўғрига нисбатан 2020 йилнинг 22 сентябрь кунидан эътиборан қидирув эълон қилинган. ИИБ тезкор ходимлари томонидан олиб борилган қидирув тадбирлари натижасида фуқаро Б.Н. бир ярим ойдан сўнг Бухоро тумани ҳудудида қўлга олинган.
Қўлга олинган айбланувчи вилоят ИИБ Пробация ва жазони ижро этиш бўлимига қарашли 4-сонли Тергов ҳибсхонасига жойлаштирилган ва унга нисбатан қўлланилган қидирув бекор қилинган.
Айни пайтда содир этган жиноятининг жазосидан қўрқиб, тергов органларидан яшириниб юрган фуқаро Б.Н.га нисбатан тергов-суриштирув ишлари давом этмоқда.
Изоҳ (0)