Таниқли AnTuTu бенчмарки жамоаси Apple мобил қурилмалари орасида ишлаш бўйича энг самарадор смартфонлар рейтингини тузди, деб хабар беради IXBT.
2020 йилнинг октябрида ўтказилган тақдимотда бир кристалли Apple А14 Bionic процессорига эга iPhone 12 ва iPhone 12 Pro моделлари, шунингдек, iPad Air 4 планшетини тақдим этганди.
iPhone 12 Pro ва iPhone 12 ўз натижалари билан 2019 йилда тақдим этилган SоC Apple А13 Bionic асосидаги iPhone 11 линейкасини, жумладан, iPhone 11 Pro Мах флагман моделини ҳам ортда қолдирган. Бироқ улар iPad Air 4’дан ўтиб кета олмаган. Янги планшет эса ўз навбатида ишлаш самарадорлиги бўйича Apple А12Х Bionic ҳамда Apple 12З Bionic асосида яратилган iPad Pro 3 ва 4-авлодларидан қолиб кетган.
AnTuTu мутахассислари ҳозирда 6 ноябрдан буюртмалар қабул қилиш бошланадиган ва 13 ноябрдан сотувга чиқариладиган iPhone 12 мини ва iPhone 12 Pro Мах’нинг тақдимотини кутмоқда.
Аввалроқ iPhone 12 ва 12 Pro ишлаш самарадорлиги бўйича Android флагманларига ютқизиб қўйгани тўғрисида хабар берилганди.
Мавзуга доир: iPhone 12 қанча вақт ичида 100 фоиз қувватланади?
Изоҳ (0)