Nokia компанияси 6300 ва 8000 моделларининг янги версияларини тақдим этиб, тугмали классик телефонларни янгиланган дизайнда ишлаб чиқаришни давом эттириш ниятида, деб хабар беради WinFuture.
Кичкина рангли экран ва камерага эга оригинал Nokia 6300 2007 йили 300 евролик нархда бизнес-телефон сифатида тақдим этилганди. Янги Nokia ўзининг классик дизайнини сақлаб қолади, бироқ экран сифати яхшиланиб, замонавий алоқа стандартларига эга бўлади.
Nokia 8000 — премиум телефонлар серияси бўлиб, улар орасидан зангламайдиган пўлат корпусга эга моделлар ҳам ўрин олганди. Компания айнан қайси моделни қайта тақдим этиши номаълум, бироқ янги телефон ҳам сифатли материаллардан тайёрланади. Афтидан, сўнгги йиллардаги энг қиммат тугмали телефон сотувга чиқадиган кўринади.
Янги телефонлар ҳақида ҳозирча батафсил маълумотлар йўқ, аммо манбаларнинг таъкидлашича, улар яқин ҳафталар ичида тақдим этилиши керак.
Аввалроқ Nokia компанияси 2009 йилда оммалашган Nokia 6700 кўринишида яратилган ҳамёнбоп 224 4G моделини тақдим этгани маълум бўлганди.
Изоҳ (0)