PhoneArena сайти янги iPhone’лар турли қувватлантириш блоклари ёрдамида қанчалик тез қувватланишини синаб кўришга қарор қилди. Журналистлар тест учун бешта қувватлантиргични танлаган — 5, 12, 18, 20 ваттли ҳамда ишлаб чиқарувчининг 65 ваттли қурилмаларини.
Янги iPhone 12 ва 12 Prо 20 ваттли максимал қувватланиш имкониятига эга. 65 ваттли қувватга эга қурилма ҳам смартфонлар аккумуляторини Apple’нинг 20 ваттли қувватлантиргичи каби «тўлдиради». Шу билан бирга, 18 ваттли қувватлантиргич ҳам шу каби натижани кўрсатган — учала ҳолатда ҳам смартфонлар нолдан 100 фоизгача 1 соат 40 дақиқада қувватланган.
Қолган қувватлантиргичлар эса анча секин ишлайди. 12 ваттли қувватлантиргичга iPhone 12 смартфони 2 соат 35 дақиқада, 5 ваттли — 3 соат 19 дақиқада тўлиқ қувватланган.
Янги iPhone смартфонлари жамланмасидан фақатгина Lighting-кабели ўрин олгани сабаб бу тестнинг аҳамияти муҳим — чунки фойдаланувчиларнинг ўзлари янги қувватлантиргич сотиб олишга мажбур бўлмоқда. Унинг қуввати эса қувватланиш тезлигини белгилаб беради.
Эслатиб ўтамиз, Apple’нинг 15 сентябрдаги тақдимотида Watch SЕ ҳамёнбоп «ақлли» соати ҳамда иПад планшетлари, 13 октябрда эса тўртта iPhone 12 смартфони тақдим этилганди. Компаниянинг навбатдаги тақдимоти эса 10 ноябрь санасига мўлжалланган.
Изоҳ (0)