Жон Проссер исмли таниқли блогер Apple компанияси 2022 йилда 1 терабайт ички хотирага эга илк смартфонини тақдим этишига шама қилди. Афтидан, бу каби хотирага iPhone 13 линейкасидаги про-моделлар эга бўлади, деб ёзади Hi-Tech.Mail.ru.
Apple 1 терабайтни тўртинчи вариант хотирасига айлантириши ёки 128 Гб, 512 Гб ва 1 ТБ модификацияни тақдим этиб, олдингиларнинг биридан воз кечиши мумкин.
Ҳозирги кунда бозорда бу каби ички хотирага эга бир нечта смартфон мавжуд. Уларнинг биринчиси 2018 йилда пайдо бўлган — Хитойнинг унчалик машҳур бўлмаган компаниясига тегишли Smartisan R1 смартфони. Шунингдек, 1 терабайт хотира Samsung Galaxy S10+ керамик версияси учун ҳам тақдим этилади. Ҳатто Apple’нинг ҳам 1 ТБ ички хотирага эга бир неча iPad моделлари мавжуд.
Янги iPhone 12 олдингидек 64 Гб хотирага эга бўлган, 12 Pro’нинг минимал хотираси эса 128 гигабайтдан бошланади.
Аввалроқ iPhone 12 кун охирига бормай «ўлиб қоляётгани», смартфоннинг илк эгалари янги қурилманинг ишлаш вақтидан шикоят қилишни бошлагани тўғрисида хабар берилганди.
Изоҳ (0)