Hyundai компанияси Toyota Land Cruiser’га рақобатчи яратишни режалаштирмоқда

Hyundai’нинг Австралиядаги бўлинмаси вакили компания Toyota Land Cruiser’га рақобатчи бўла оладиган йўлтанламасни яратишни кўриб чиқаётганини тасдиқлади. Бироқ бу каби модель бозорда пайдо бўлишининг қатор шартлари бор, деб хабар беради Motor.

Hyundai Australia топ-менежери Эндрю Туитахининг сўзларига кўра, автомобилсозлик компанияси вазиятни кузатмоқда ва «агарда сегментда истиқболлар мавжуд бўлса, фаол ҳаракатларга киришади». Шунингдек, унинг қўшимча қилишича, «Австралияда катта ўлчамли йўлтанламасларни чиқариш бўйича жиддий муаммолар мавжуд, бироқ уларнинг аксариятини ҳал қилса бўлади».

Ҳозирда келажакда тақдим этиладиган йўлтанламасга оид айрим маълумотлар бор. У ҳозирда Genesis GV80’га ўрнатилаётган 278 от кучига эга турбодизель двигатель ва ром конструкциясига эга бўлади. Бироқ ҳозирча бу расман тасдиқланмаган. Бу каби моделнинг бозорда қачон пайдо бўлиши ҳам номаълум.

Бугунги кунда Hyundai’нинг энг йирик модели — бу Palisade кроссовери ҳисобланади. Унинг узунлиги 4981 миллиметрни, эни 1976, баландлиги 1750 миллиметрни ташкил этади, ғилдираклар базаси 1901 миллиметрга тенг. АҚШда флагманнинг 295 от кучига эга 3,8 литрли V6 двигатели ўрнатилгани, Жанубий Кореяда эса 2,2 литрли (202 от кучи) комплектацияси сотилади.

Аввалроқ Chevrolet «оғир» Suburban йўлтанламасини тақдим этишни режалаштираётгани тўғрисида хабар берилганди.