YouTube’даги Carwow канали 44 тоннали Mercedes-Benz ва Scania юк машиналари ўртасида пойга уюштирди. Кузатувчилар тиркамасиз юк машиналарининг динамикасини 402 метрли дрег-пойгада баҳолаган.
Пойгалар учун дизелда ҳаракатланувчи орқа узатмали, капотсиз, 12 поғонали автомат узатмалар қутиси ва стандарт кабинага эга юк машиналари танланган. Иккала машинага ҳам ёрдамчи «ялқов-ўқ» мавжуд.
Mercedes-Benz Аcrtos 480 от кучига (2200 Нм) эга 10,7 литрли олти цилиндрли ОМ470 турбомотори ёрдамида ҳаракатга келади. Scania R500’нинг топ версиясига эса 500 от кучига эга (2550 Нм) 13 литрли олти цилиндрли турбодвигатель ўрнатилган.
Mercedes ва Scania юк машиналари техник жиҳатдан бир-биридан фарқ қилса-да, дуэл жуда ажойиб тарзда ўтган. Чорак мил масофа оралиғида ўтказилган пойгада рақиблар орасидаги фарқ 0,1 сонияни ташкил этган.
Шундан сўнг блогерлар мазкур юк машиналарига юк ортилган ҳолда уларнинг кучини синаб кўрган.
Аввалроқ Carwow канали блогерлари ноодатий, шу билан бирга, сўнгги вақтлардаги энг қиммат дрег-пойгани уюштирган эди: улар Bentley Cоntinental GT’ни Rolls-Royce Wraith Black Badge’га қарши қўйган.
Мавзуга доир: Видео: Hummer ва «Гелендваген» ўзаро арқон тортишди
Изоҳ (0)