Нигериянинг жанубида юк машинаси маҳаллий бозорда камида 16 кишини босиб кетди, дея хабар бермоқда Тhis Day’га таяниб «ТАСС».
«Ҳодиса 31 октябрь куни кечқурун Ондо штатининг Акунгба шаҳрида содир бўлган. Гуруч ортилган қопларни олиб кетаётган юк машинасининг тормози ишламай қолиб, бозорга кириб кетган. Машина босиб кетиши оқибатида 16 киши ҳалок бўлган, яна етти киши жароҳатланган», – деди Нигерия йўл ҳаракати хавфсизлиги хизмати ходими Бобойе Ойеми.
Маълум қилинишича, Нигерия йўлларида 2020 йилнинг иккинчи чорагида 2080 та бахтсиз ҳодиса қайд этилган. Уларда 5535 киши жароҳат олган, 855 киши вафот этган. Йўл-транспорт ҳодисаларининг асосий сабаби тезликни ошириш ҳисобланади. Бахтсиз ҳодисаларнинг умумий 47 фоизи айнан тезликни ошириш туфайли содир бўлган.
Аввалроқ Нигерия шимоли-шарқига уюштирилган ҳужум оқибатида 60 киши ҳалок бўлгани хабар қилинганди.
Изоҳ (0)