Яқинда Z71 экстремал модификацияга эга бўлган тўлиқ ўлчамли Chevrolet Suburban йўлтанламасининг навбатдаги версияси кучайтирилган ромга эга «оғир» HD’га эга бўлади, деб хабар беради Motor.
Chevrolet ўзининг йўлтанламасида мунтазам оғир тиркамалар тортишга ва юкларни ташишга ўрганган мижозлари учун ҳозирги авлод Suburban’нинг «оғир» вариантини яратишни режалаштирмоқда. GM Authority’нинг ёзишича, бу ҳақда General Motors’нинг глобал маҳсулотлари бўйича вице-президенти Тим Херрик маълум қилган. Концерн анъанасига кўра, бу каби йўлтанламас HD белгисига эга бўлади. У Silverado ва Heady Duty пикапларидан кучайтирилган роми ва модернизация қилинган «подвеска»си, юк кўтариш ва тортиш қобилияти билан ажралиб туради.
Бундан ташқари, «оғир» Suburban HD янги двигателга ҳам эга бўлиши керак. Олдинги авлод йўлтанламасига 365 от кучига эга 6,0 литрли V8 бензин двигатели ўрнатилган. Янги моделнинг мотори эса Silverado HD пикапиники каби бўлади: 451 от кучига эга 6,6 литрли V8 Duramaх. Яна бир вариантга кўра, машинага 406 от кучига эга 6,6 литрли В8 бензин двигатели ўрнатилиши ҳам мумкин. «Оғир» Suburban HD тақдимоти 2021 йилда ўтказилиши керак.
Аввалроқ японияликлар янги Toyota RAV4 ва эски Chevrolet Tahoe’ни «чатиштиргани» тўғрисида хабар берилганди.
Изоҳ (0)