Hyundai’ning Avstraliyadagi bo‘linmasi vakili kompaniya Toyota Land Cruiser’ga raqobatchi bo‘la oladigan yo‘ltanlamasni yaratishni ko‘rib chiqayotganini tasdiqladi. Biroq bu kabi model bozorda paydo bo‘lishining qator shartlari bor, deb xabar beradi Motor.
Hyundai Australia top-menejeri Endryu Tuitaxining so‘zlariga ko‘ra, avtomobilsozlik kompaniyasi vaziyatni kuzatmoqda va “agarda segmentda istiqbollar mavjud bo‘lsa, faol harakatlarga kirishadi”. Shuningdek, uning qo‘shimcha qilishicha, “Avstraliyada katta o‘lchamli yo‘ltanlamaslarni chiqarish bo‘yicha jiddiy muammolar mavjud, biroq ularning aksariyatini hal qilsa bo‘ladi”.
Hozirda kelajakda taqdim etiladigan yo‘ltanlamasga oid ayrim ma’lumotlar bor. U hozirda Genesis GV80’ga o‘rnatilayotgan 278 ot kuchiga ega turbodizel dvigatel va rom konstruksiyasiga ega bo‘ladi. Biroq hozircha bu rasman tasdiqlanmagan. Bu kabi modelning bozorda qachon paydo bo‘lishi ham noma’lum.
Bugungi kunda Hyundai’ning eng yirik modeli — bu Palisade krossoveri hisoblanadi. Uning uzunligi 4981 millimetrni, eni 1976, balandligi 1750 millimetrni tashkil etadi, g‘ildiraklar bazasi 1901 millimetrga teng. AQShda flagmanning 295 ot kuchiga ega 3,8 litrli V6 dvigateli o‘rnatilgani, Janubiy Koreyada esa 2,2 litrli (202 ot kuchi) komplektatsiyasi sotiladi.
Avvalroq Chevrolet “og‘ir” Suburban yo‘ltanlamasini taqdim etishni rejalashtirayotgani to‘g‘risida xabar berilgandi.
Izoh (0)