Бухоро вилоятида Damas русумли автомашинадан 300 доллар ўғирлаган 19 ёшли фуқаро қўлга олинди. Бу ҳақда «Дарё»га вилоят ИИБ ахборот хизмати раҳбари Шуҳрат Жалолов хабар берди.
Таъкидланишича, Бухоро шаҳар Ички ишлар органлари фаолиятини мувофиқлаштириш бошқармасига Бухоро туманида яшовчи фуқаро Б.Ж. ариза билан мурожаат қилиб, Damas’идан 300 доллар пули ўғирланганини маълум қилган.
Мазкур ҳолат юзасидан Бухоро шаҳар Ички ишлар органлари фаолиятини мувофиқлаштириш бошқармаси ҳузуридаги тергов бўлими томонидан Жиноят кодексининг 169-моддаси (ўғрилик) билан жиноят иши қўзғатилиб, дастлабки тергов ҳаракатлари олиб борилган.
Олиб борилган тезкор суриштирув давомида ушбу жиноятни Бухоро шаҳрида яшовчи 19 ёшли И.М. содир этгани аниқланган.
Айни пайтда ҳолат юзасидан тергов ҳаракатлари олиб борилмоқда.
Изоҳ (0)