Бухоро вилояти, Ғиждувон туманидаги «Сармижон» ЙПХ масканида ўтказилган тезкор тадбирда йўловчининг чўнтагидан 12 грамм гиёҳванд модда топилди. Бу ҳақда »Дарё»га Ғиждувон туман ички ишлар бўлими йўл-патруль хизмати отряди 3-сафарбар гуруҳи командири, катта лейтенант Фурқат Сафаров маълум қилди.
Таъкидланишича, 2020 йилнинг 25 октябрь куни Бухоро вилоят ИИБ ЖҚБ гиёҳвандлик воситалари билан қонунга хилоф равишда муомала қилишга қарши курашиш бўлими ходимлари томонидан тумандаги «Сармижон» ЙПХ масканида тезкор тадбир ўтказилган.
Тадбир давомида «Самарқанд—Бухоро» йўналишида ҳаракатланиб келаётган, Бухоро тумани «Янгиобод» МФЙда яшовчи, 42 ёшли Х.А. бошқарувидаги Lacetti автомашинаси тўхтатиб текширилган. Автомашинада йўловчи сифатида кетаётган ҳайдовчининг шериги — Бухоро шаҳрида яшовчи 26 ёшли О.Б.нинг шими чўнтагидан қора рангли полиэтилен целлофан топилган. Целлофанда 12 граммга тенг бўлган гиёҳвандлик воситаси борлиги, О.Б. буни сотиш мақсадини кўзлаб сақлаб келаётгани аниқланган. Гиёҳванд модда холислар иштирокида ҳужжатлаштирилиб олинган.
Мазкур ҳолат юзасидан фуқаролар Х.А. ва О.Б.ларга нисбатан тўпланган ҳужжатлар Ғиждувон тумани ИИО ФМБга топширилган.Ҳозирда терговга қадар суриштирув ишлари олиб борилмоқда.
Мавзуга доир:
Изоҳ (0)