Ўзбекистондаги шифохоналар ва улардаги ўринлар сони тўғрисида маълумот берилди

Ўзбекистонда 2020 йилнинг 1 январь ҳолатига кўра фаолият юритаётган шифохоналар сони 1205 тани ташкил этган. Бу ҳақда Давлат статистика қўмитаси маълум қилди.

Ўзбекистонда нодавлат шифохоналар сони эса 575 тани (жамига нисбатан 47,7 фоиз) ташкил этди. 2018 йилга нисбатан шифохоналар сони 40 тага (2019 йилга нисбатан 3,4 фоизга) кўпайган.

Шифохоналардаги ўринлар сони 153,4 мингтани ташкил этиб, шундан нодавлат шифохоналардаги ўринлар сони 18,7 мингтани (жамига нисбатан 12,2 фоиз) ташкил этади.

Аҳолининг шифохона ўринлари билан таъминланганлиги бўйича таҳлилларга кўра, ҳар 10 000 аҳолига нисбатан шифохона ўринлари сони 45,2 тани ташкил этади.

Аввалроқ Фарғонада 10 миллиард сўмга қурилган болалар шифохонаси фойдаланишга топширилган эди.