Bugun,

  • USD 11095.31
  • RUB 173.84
  • EUR 10772.44

Farg‘onada shahar bolalar shifoxonasining shoshilinch tibbiy yordam bo‘limi uchun qurilgan yangi bino foydalanishga topshirildi, deya xabar berdi “Daryo” muxbiri Azizjon Ermatov.

Foto: Farg‘ona shahar hokimligi

Foto: Farg‘ona shahar hokimligi

Prezident Shavkat Mirziyoyevning 2018-yil iyun oyida Farg‘ona viloyatiga tashrifi davomida berilgan topshiriqqa ko‘ra, viloyat sog‘liqni saqlash tizimidagi bir qator davolash profilaktika muassasalarida qurilish hamda mukammal ta’mirlash ishlari olib borilishi belgilangan edi. Shunga muvofiq Farg‘ona shahar bolalar shifoxonasi rekonstruksiya qilinib, 50 o‘rindan iborat uch qavatli davolash binosi bunyod etilgan.

Yangi shifoxona qurilishiga 10 milliard so‘m mablag‘ sarflangan. Zamonaviy qiyofa kasb etgan uch qavatli tibbiyot maskani eng zamonaviy tibbiy texnologiyalar bilan jihozlangan bo‘lib, bemorlarga aniq tashxis qo‘yish, samarali davolash uchun barcha imkoniyatlar yaratilgan. Bunday qulaylik esa pandemiya sharoitida bolalarning tezkor va zarur tibbiyot yordam olishida muhim ahamiyat kasb etadi.

Mazkur shifoxonada 335 nafar malakali shifokor, hamshira va kichik tibbiyot xodimlari 92 ming nafardan ziyod bolalarga tibbiy xizmat ko‘rsatadi.

Foto: Farg‘ona shahar hokimligi

Foto: Farg‘ona shahar hokimligi

Tez tibbiy yordam hamda patronaj xizmati sifatini yanada yaxshilash maqsadida shifoxonaga Damas avtomobili ham topshirilgan.

Izoh
Asosiy yangiliklar
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?