Ҳиндистоннинг Карнатака штатида балиқчилар оғирлиги 750 килограмм келадиган улкан «денгиз иблиси»ни тутиб олди, деб хабар беради The Сиасат Daily.
Улкан балиқнинг видеоси Нагасидди балиқчилик траулерининг саҳифасида эълон қилинган. Портга қайтганидан сўнг, кема эгаси Пракаш Бангера ўлжани қуруқликдаги пикап кузовига ортиш учун кран ижарага олишга мажбур бўлган.
«Унинг ҳар бир килограммини 40 рупийдан (54 сент) сотдим ва у фойда келтирган бўлсада, килоси учун 300 рупийдан даромад келтирадиган майда балиқлар каби эмас», — дейди Бангера. Унинг сўзларига кўра, балиқчилар улкан балиқлар тирик тутилган тақдирда, уларни одатда сувга қўйиб юборади. Мазкур ҳолатда эса скат тўрга ўралиб, ўлиб қолгани учун бунинг иложи бўлмаган.
Giant Manta Ray weighing 750 kg caught by fishermen off #Karnataka's coast pic.twitter.com/QM2LgJIQnZ
— India Ahead News (@IndiaAheadNews) October 22, 2020
Улкан денгиз иблислари ёки манталар — энг йирик скатлар турига киради. Айрим турларининг эни 9,1 метрга, оғирлиги эса 3 тоннагача етиши мумкин.
Аввалроқ Ҳиндистоннинг Ғарбий Бенгалия штати қирғоқлари яқинида балиқчилар 800 килограммли скатни ушлашга муваффақ бўлгани тўғрисида хабар берилганди.
Изоҳ (0)