Hindistonning Karnataka shtatida baliqchilar og‘irligi 750 kilogramm keladigan ulkan “dengiz iblisi”ni tutib oldi, deb xabar beradi The Siasat Daily.
Ulkan baliqning videosi Nagasiddi baliqchilik traulerining sahifasida e’lon qilingan. Portga qaytganidan so‘ng, kema egasi Prakash Bangera o‘ljani quruqlikdagi pikap kuzoviga ortish uchun kran ijaraga olishga majbur bo‘lgan.
“Uning har bir kilogrammini 40 rupiydan (54 sent) sotdim va u foyda keltirgan bo‘lsada, kilosi uchun 300 rupiydan daromad keltiradigan mayda baliqlar kabi emas”, — deydi Bangera. Uning so‘zlariga ko‘ra, baliqchilar ulkan baliqlar tirik tutilgan taqdirda, ularni odatda suvga qo‘yib yuboradi. Mazkur holatda esa skat to‘rga o‘ralib, o‘lib qolgani uchun buning iloji bo‘lmagan.
Giant Manta Ray weighing 750 kg caught by fishermen off #Karnataka's coast pic.twitter.com/QM2LgJIQnZ
— India Ahead News (@IndiaAheadNews) October 22, 2020
Ulkan dengiz iblislari yoki mantalar — eng yirik skatlar turiga kiradi. Ayrim turlarining eni 9,1 metrga, og‘irligi esa 3 tonnagacha yetishi mumkin.
Avvalroq Hindistonning G‘arbiy Bengaliya shtati qirg‘oqlari yaqinida baliqchilar 800 kilogrammli skatni ushlashga muvaffaq bo‘lgani to‘g‘risida xabar berilgandi.
Izoh (0)