Қирғизистон президенти вазифасини бажараётган (в.б.) Садир Жапаров мамлакат раҳбарлиги учун ўтказиладиган сайловларда иштирок этади. Бунинг учун у истеъфога чиқади, деб хабар беради Tengrinews.
Жапаровнинг айтишича, у мамлакат раҳбари вазифасини бажарувчи ваколатларини декабрь ойида топширади.
«Мен бошқалар билан бир қаторда сайловларга бораман. Мени сайлашса, президент бўламан, аксинча бўлса, йўқ», — дейди Садир Жапаров.
Аввалроқ Қирғизистонда муддатидан олдинги президентлик сайловлари 2021 йилнинг 10 январь куни бўлиши тўғрисида хабар берилганди
Эслатиб ўтамиз, 15 октябрь куни Сўронбай Жээнбеков Қирғизистон президентлиги лавозимидан истеъфо берганини эълон қилди. У бош вазир Садир Жапаров ва бошқа сиёсатчилардан ўз тарафдорларини пойтахтдан олиб чиқиб кетишни сўраган ва улардан бишкекликлар тинчлигини бузмасликни илтимос қилган. 16 октябрь куни парламент мажлисида Қонунчилик кенгаши спикери Канат Исаев давлат раҳбарининг вазифаларини вақтинча бажаришни рад этган. Якунда бош вазир Садир Жапаров президент вазифасини бажарувчига айланди.
Изоҳ (0)