АҚШ президенти Дональд Трамп мамлакатда тез орада янги турдаги коронавирусга қарши вакцина пайдо бўлишини ва у пандемияга нуқта қўйишини айтди. Бу ҳақда у 25 октябрь куни Нью-Ҳемпшир штатида ўз тарафдорлари қаршисида сўзлаган нутқида айтиб ўтди, деб ёзади «Korrespondent.net».
«Биз вазиятни ўзгартиришга яқин қолдик, аммо вакцина буни тезлаштиради, чунки биз оддий ҳаёт яна қайтиб келишини истаймиз, шунчаки оддий ҳаётга қайтишни хоҳлаймиз», — деди Трамп.
Америка етакчиси коронавирусга қарши дори тез орада тайёр бўлишини таъкидлади. «Бу тез бўлади», — дея ишонч билдирди у.
Аввалроқ Дональд Трамп Демократлар партияси номзоди Жозеф Байден билан ўтказилган сайловолди теледебатларининг сўнгги раундида АҚШ яқин кунлар ичида COVID-19 коронавирус инфекциясига қарши Америка вакцинаси тайёр бўлганини эълон қилишни режалаштираётганини маълум қилганди.
Сентябрь ойининг ўрталарида АҚШ президенти коронавирусга қарши вакцинанинг мамлакат аҳолиси ўртасида кенг тарқатиш октябрь ойидан бошланишини маълум қилганди.
АҚШ собиқ президенти Барак Обама эса Трампнинг америкаликларни коронавирусдан ҳимоя қила олишига шубҳа қилмоқда.
Изоҳ (0)