Олмаотада Hyundai заводи ишга туширилди. Заводда ишлаб чиқарилган машиналар Ўзбекистонга ҳам етказиб берилади

Олмаотада Hyundai Trans Kazakhstan енгил автомобиллар ишлаб чиқариш заводи ишга туширилди. Бу ҳақда компания сайтига таяниб, Spot хабар бермоқда.

Hyundai Trans Kazakhstan бу – Аstanа Motors компаниясининг шўъба корхонаси. Инвестицияларнинг умумий ҳажми 28 миллиард тенгедан зиёдни ташкил этади. Уларнинг 30 фоизи Аstanа Motors компаниясининг ўз маблағлари, 70 фоизи «Қозоғистон тараққиёт банки» ва «Саноатни ривожлантириш жамғармаси» томонидан жалб қилинган кредит маблағлари ҳисобланади.

Корхонанинг майдони 34 минг квадрат метрни ташкил қилади. Биринчи босқичда корхонанинг ишлаб чиқариш қуввати йилига 30 минг донани, иккинчи босқичда эса йилига 45 минг донани ташкил этиши кўзда тутилган.

Аstanа Motors ишлаб чиқарилаётган автомобилларнинг умумий сонининг 50 фоизини Қозоғистон бозорида ва қолган 50 фоизини МДҲ давлатларига етказиб беради. Бугунги кунда компания Hyundai автомобилларини Ўзбекистонга ҳам экспорт қилмоқда.

Маълумот учун, Hyundai Trans  Kazakhstan заводининг қурилиши 2019 йил 21 апрелда бошланган. 2020 йил апрель ойида биринчи автомобиль ишлаб чиқарилди.

Пайвандлаш ва корпусларни бўяш, автоуловларни йиғиш, пластмасса қисмларини бўяш бўлимлари ҳамда кам тугунли йиғиш усули ёрдамида автомобиль ишлаб чиқариш учун бутловчи қисмлар омборининг расмий ишга туширилиши бўлиб ўтди. Кам тугунли усул ёрдамида янги заводда йиғилган автомобиллар бозорга 2021 йил бошида тақдим этилади.

Hyundai Ўзбекистонда

«Ўзбекистон ҳукумати бозорни очиш кераклигини, соғлом рақобат зарурлигини ва истеъмолчилар бошқа ишлаб чиқарувчиларни ҳам кўришни исташини тушунади», – деди тадбиркор.

Унинг сўзларига кўра, Тошкентдаги иккита автомобиль сотув марказини ташкил этиш ҳамда Бухоро ва Самарқандда бу бўйича ҳамкорларни жалб қилиш режалаштирилган.

Маълум бўлишича, Аstanа Motors Ўзбекистонга автомобиль экспорт қилиш учун бир неча йиллардан буён мамлакат чегаралари очилишини (автомобиль божлари назарда тутиляпти) кутмоқда.

Аввалроқ KIA, Vоlkswagen, Skoda ва ГАЗ автомобиллари Ўзбекистонда ишлаб чиқарилиши ҳақида хабар берилганди.