Сирдарёда Captiva «цементовоз»га урилиши оқибатида икки киши шифохонанинг жонлантириш бўлимига ётқизилди

Сирдарё вилояти Мирзаобод туманида Captiva Howo цемент ташувчи юк машинасига урилди, дея хабар бермоқда вилояти ИИБ ЙҲХББ.

Маълум қилинишича, 17 октябрь куни соат 21:45 да Мирзаобод тумани «Мирзо Улуғбек» МФЙ ҳудудидан ўтувчи М-34 автомобиль йўлининг 122-километрида Гулистон–Янгиер йўналишида Боёвут тумани, «Анорзор» МФЙда яшовчи 27 ёшли А.Т. Captiva автомашинасини бошқариб кетаётган бўлган.

Captiva ушбу йўналишда ҳаракатланиб, Гулистон–Янгиер йўналишига белгиланган тартибда тўлиқ қайрилиб олган фуқаро Бекобод шаҳрида яшовчи 28 ёшли М.Э. бошқарувида бўлган Ширин шаҳар «Шаҳзод Авазбек Сервис» МЧЖга тегишли Howo «цементовози»нинг орқа қисмига урилиб, ЙТҲ содир этган.

Натижада Captiva ҳайдовчиси 27 ёшли А.С. ва 24 ёшли йўловчиси Ш.Х. бош мия ёпиқ жароҳати, бош мия лат ейиши, қўшма жароҳат ташхиси билан Республика шошилинч тез тиббий ёрдам кўрсатиш илмий маркази Сирдарё вилояти филиалининг жонлантириш бўлимига ётқизилган.

Ҳолат юзасидан Мирзаобод тумани ИИБ ҳузуридаги Тергов бўлинмаси томонидан суриштирув ҳаракатлари олиб борилмоқда.