Nokia компанияси 2009 йилда оммалашган Nokia 6700 кўринишида яратилган ҳамёнбоп 224 4G моделини тақдим этди, деб ёзади Gizmochina.

Фото: Gizmochina

Гаджет кичкина рангли экран ҳамда классик тугмали панелга эга. Ишлаб чиқарувчининг таъкидлашича, аппарат бир марта қувватланиш орқали узоқ вақт ишлашга қодир.

Nokia 225 4G 2,4 дюймли дисплей билан жиҳозланган. Девайс тўртинчи авлод алоқа тармоғи ва VoLTE стандартини қўллаб-қувватлайди. Шунингдек, унда FM-радио, LED-фонар, microSD учун слот мавжуд. 215 4G кичик моделига камера ўрнатилмаган.

Телефон ҳозирда Хитойда сотувга чиққан бўлиб, унинг нархи 52 доллар атрофида.

Мавзуга доир: Nokia’нинг қайтиши: Nokia 2.4, 3.4 ва Жеймс Бонд смартфони тақдим этилди (видео)

Эслатиб ўтамиз, сентябрь бошларида Nokia 170 доллар эвазига Snapdragon 460 процессори ва 4000 мА/соатли аккумуляторга эга смартфонни яратиш устида иш олиб бораётгани маълум бўлганди.