Apple коронавирус сабаб кўчирилган янги смартфонлар тақдимотини ўтказди. iPhone 12 линейкасида жорий этилган асосий янгилик — 5G алоқа тармоғини қўллаб-қувватлаш имконияти, деб хабар беради Hi-Tech.Mail.ru. Компания бутун дунё бўйлаб янги авлод мобил алоқа стандарти бўйича иш олиб боришга ҳаракат қилган. Таъкидланишича, бунда интернет тезлиги 4 Гб/сонияга етади.
iPhone 12 смартфони янги Супер HDR экранига эга бўлди. iPhone 11’га қараганда икки карра кўп пикселлар, барча HDR форматларини қўллаб-қувватлайди. Керамика эса ушбу экранларни янада мустаҳкам қилади. Янги дизайн 11 фоизга ингичкароқ, 15 фоизга кичикроқ ва 16 фоизга енгилроқ бўлди. Процессор — олти ядроли А14 Bionic, ҳозирда «энг кучли процессор».
Етти элементдан иборат янги камера паст ёруғликда 27 фоиз яхшироқ ишлайди. Орқа панелда MagSafe магнитли улагич жойлашган. iPhone 12’га иккита камера ўрнатилган — 12 мегапикселли асосий ва 12 мегапикселли кенг бурчакли.
Мавзуга доир: Барча янги iPhone 12’лар нархи ошкор қилинди
iPhone 12 Pro
iPhone 12 Pro учта камера ва Lidar сенсорига эга бўлди. Ушбу қурилма тарихдаги энг катта iPhone деб топилди.Super Retina HDR дисплейнинг катталиги 6,7 дюйм. Барча камералар фотосуратларни сифатини оширадиган Deep Fusion технологиясини қўллаб-қувватлайди.
Асосий камеранинг сенсори паст ёруғликларда iPhone 11 Pro Мах смартфонига қараганда 87 фоиз яхшироқ тасвирга олади. Профессионал фотосуратлар учун мўлжалланган Apple ProРАW функцияси 2020 йилда пайдо бўлади. Бундан ташқари HDR ва Dolby Vision HDR форматида 10-битлик видеолар тасвирга олиш мумкин.
Мавзуга доир: iPhone 12 Про Махънинг илк тести натижалари маълум бўлди
Изоҳ (0)