Хитойнинг Vivo компанияси Ifea — ечиладиган камерали смартфон прототипини ишлаб чиқди. Бу ҳақда Hi-Tech.Mail.ru хабар берди.
Маълум қилинишича, иккита объективдан иборат камера модули, Vivo Ifea концептуал смартфонининг юқори қисмидаги магнитга бириктирилади. Ундан фронтал камера сифатида ёки корпусдан ечган ҳолда алоҳида фойдаланиш мумкин.
https://youtu.be/Abpi7koE6w4
Смартфоннинг ўзида ҳам камера мавжуд бўлиб, у қурилманинг орқа, юқори қисмида жойлашган ва ечилмайди. Экшн-камера сифатида қўллаш мумкин бўлган модул овоз орқали ҳам бошқарилади.
Концепт сифатида тақдим қилинган моделнинг сотувга чиқарилиши аниқ бўлмаса-да, компания дизайн соҳасидаги ютуғи сабаб Red Dot Design Award мукофотини қўлга киритган, дейилади хабарда.