Болливуд юлдузи Амитабҳ Баччаннинг карьераси ва актёрлик маҳорат ҳақида кўп ёзилган, лекин оилада ва ота сифатида қандай инсон эканлиги кўпчиликка маълум эмас. 11 октябрь куни 78 ёшни қаршилаган актёрнинг оилада қандай инсон экани ҳақида Абҳишек Баччан сўзлаб берган маълумотлар билан бўлишамиз.
Абҳишекнинг сўзларига қараганда, Амитабҳ Баччан ҳеч қачон ишини уйга олиб келмаган, уйда актёр эмас, ота бўлган. У фақат бир мартагина, 1994 йилда «Инсоният» фильмининг суратга олиш майдончасидан образда уйга қайтган. Суратга олиш ишлари уларнинг уйи яқинида бўлгани учун Амитабҳ тушлик қилиш учун уйга қаҳрамонининг полиция ходими либосида келган. Қолган вақтларда уй ва ишни аралаштирмаган, иши оғир кечган тақдирда ҳам суратга олиш майдончасидаги кайфият билан оиласи ёнига келмаган.
Абҳишекнинг қўшимча қилинишича, уларнинг уйида киножурналлар бўлмаган. Амитабҳ Абҳишекнинг болалиги ва ёшлигида миш-миш тарқатган матбуот, айниқса, журналлар билан тортишган. У кўнгилочар мақолалар учун мавзу бўлишни истамаган ОАВ эса унга катта Б (Биг Б) деб мурожаат қилган. Бугунги кунда хушмуомалаликни ифодалайдиган катта Бънинг маъноси у вақтда салбий бўлган.
Кичик Баччан улар киносаноат вакиллари фарзандларига хос тарзда катта бўлмаганлари, уйда Фильмфаре сингари журнал ва етакчи газеталар бўлмаганини ҳатто кўп йиллар давомида киносаноатда журнал борлигини билмай улғайганини таъкидлаган.
Биз оддий ҳаёт кечирганмиз. Одамлар буни тушуниши бироз қийин бўлиши мумкин, аммо ростан ҳам шундай бўлган. Кўпчилик мендан Амитабҳ ва Жаянинг фарзанди бўлиш қандай, деб сўрайди. Нима деб жавоб беришим мумкин? Улар менинг ота-онам ва менга оддий тарбия беришган. Онам мен ва синглимни кино услубида тарбияланишимизга изн бермаган.Ўғли отасининг ишини шунчалик оддий ҳисоблаганидан ҳамма дўстининг оталари ҳам шундай ҳаёт кечиради деб ўйлаган. «Ўзингизни менинг ўрнимга қўйиб кўринг. Болалигимда кўчадаги ҳар бир уйда 500 талаб киши туради, мактабдаги дўстларимнинг отаси 30-40 талаб кишини калтаклаб, шифохонага тушишига сабабчи бўлади, баланд бинолардан сакрайди деб ўйлардим. Бу мен учун одатий ҳол бўлган».
Шунингдек у Амитабҳ Баччаннинг ўғли бўлишнинг афзалликларини санаб берган:
Менга унинг суратга олиш майдончасига бориш ва кун давомида бирга вақт ўтказиш ёқарди. У ҳам мени ўзи билан олиб кетишни ёқтирган. Актёрлик касби билан шуғулланишни истаганлар учун бу ажойиб болалик.Абҳишек, Пракаш Меҳра, Яш Чопра ва Манмохан Десайни кўриб катта бўлгани ва бу ҳаммага ҳам насиб қилавермаслигини билдирган. Абҳишек хорижда ўқишга кетганида ҳаммаси ўз жойига тушган. У ерда сенинг ота-онанг ким ёки кимнинг фарзанди эканлигининг аҳамияти йўқ. Отаси баскетбол ўйинларини кузатиш учун келиб, бошқа оддий одамлардек ўтириб фарзандини кузатган ва мароқ олган.
Маълум бўлишича, Амитабҳ Баччан ёлғиз вақт ўтказишни яхши кўради ва уятчан инсон. Шунчаки касби юзасидан нима учундир уни ҳамма ундай эмас, деб тасаввур қилади. У «Ким миллионер бўлишни истайди?» шоусининг суратга олиш жараёнидан кейин уйга қайтиб, жим ўтирган ҳолда оиласи билан спорт каналини биргаликда томоша қилишни яхши кўради.
«Отамга бу жиҳати билан ўхшаб кетадиган яна бир инсон Шоҳрух Хон. Мен уни ёрқин жамоат арбоби деб биламан, лекин унинг уйда бир бурчакда ўтириб китоб ўқишини кўриш мумкин. У жуда ҳам уятчан ва босиқ. Мен дам олиши учун ёлғиз қолиши керак бўлган кўплаб актёрларни биламан», — дейди актёр.
Изоҳ (0)