60 ёшини қаршилаётган Ўзбекистон халқ рассоми Ортиқали Қозоқов ўзи туғилиб-ўсган Наманган вилоятининг Поп туманидаги Санг қишлоғида тасвирий санъат галереясини очди. Бу ҳақда «Дарё» мухбири Азизбек Абдувалиев хабар бермоқда.
Галереядан рассомнинг турли жанрлардаги 60 та асари ўрин олди.
«Ҳар бир инсон ўзининг кичик ватани учун қандайдир из қолдириши керак. Мен ҳамқишлоқларимга галерея тақдим этишга қарор қилдим. Бу ерда нафақат менинг картиналарим, балки бошқа мусаввирлар, хусусан, умидли ёшларимизнинг асарлари ҳам намойиш этилади», — дейди Ортиқали Қозоқов.
Галереянинг очилишига бағишланган маросимда Ортиқали Қозоқовга вилоят ҳокимининг табрикномаси ва совғалари топширилди.
Маълумот учун, Ортиқали Қозоқов 1960 йил 27 октябрда Наманган вилоятида дунёга келган. Рассомнинг Ўзбекистондан ташқари АҚШ, Туркия, Россия, Германия, Япония, Италия, Франция ва бошқа давлатларда шахсий кўргазмалари ташкил этилган.
Изоҳ (0)