Ўзбекистонда хизмат кўрсатган артист Саида Раметова «Мендирман Жалолиддин» деб номланган тарихий сериалида Туркон хотуннинг канизи Ойгул ролини ижро этмоқда.
Саида Раметова сериалнинг илк қисми, саратонни енгиб, сериалнинг кейинги фаслида ҳам роль ижро этиши, касалликка қарши муолажалари яхши самара бераётганини маълум қилди. Бу ҳақда актриса «Дарё» мухбири Феруз Муҳаммадга берган қисқа интервьюсида гапириб берди.
Яхши ният қилдим, Аллоҳдан сўрадим, мухлисларим дуолар қилишди. Дуолар, албатта, ижобат бўлади, мана бугун бардам-бақувват бўлиб, премьерага келдим. Бугун ўзим интиқиб кутган куним, жуда ҳам хурсандман. «Мендирман Жалолиддин» сериали ҳаммага ёқди, Худо хоҳласа халқимизга ҳам, мухлисларимизга ҳам манзур бўлади деган умиддаман. Назаримда, ҳали буни бутун дунё кўради. Кўп давлатлар кўрамиз деб туришибди. Ҳаммага маъқул бўлади. Сериал бугуннинг ўзида кўпчиликка маъқул бўлди.Маълумот учун, «Мендирман Жалолиддин» сериалининг биринчи фасли 13 қисмдан иборат. Лойиҳа раҳбари Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева. Ғоя муаллифи ҳамда бош продюсер Ўзбекистон Республикаси Маданият вазири Озодбек Назарбеков.Бу биринчи қисмдаги ўйнаган ролимдан кўнглим тўлди, чунки бу ҳали бошланиши. Ҳали кейинги қисмларда ролларимиз ўсиб боради. Худо хоҳласа ҳали иккинчи фаслда ҳам ўйнашни ният қилдим.
Ҳозир ўша биринчи келганимдан жуда яхшиман, Аллоҳга шукр. Муолажалар яхши, шифокорларимга, профессорларга раҳмат. Халқимизга раҳмат. Аллоҳимга шукроналар келтираман. Энди яна ижод, ижод ва меҳнат.
Мухлисларимизга шуни айтаманки, сизлар дуода бўлинглар, биз яхши ролларни, яхши образларни сизга армуғон қилайлик.
Саида Раметова, Ўзбекистонда хизмат кўрсатган артист
Сериал бош режиссёри Метин Гунай, режиссёр Нургисса Алмурат, сценарий муаллифи ҳамда продюсер Меҳмед Боздағ ҳисобланади. Фильм Туркиянинг «Боздағ фильм» компанияси томонидан суратга олинмоқда. Кенг жамоатчилик учун премьера 2021 йилнинг январь ойидан бошланади.
Изоҳ (0)