Актриса ва бошловчи Райҳон Уласенова «Мендирман Жалолиддин» деб номланган тарихий сериалда Хоразмшоҳ Аловуддин Муҳаммаднинг хотини, Ўзлоқшоҳ ва Оқшоҳнинг онаси ролини ижро этган.
Райҳон Уласенова Туркия сериаллари мактаби, сериалдан олган гонорари, сериалда унга қийинчилик туғдирган жиҳатлар ҳақида гапириб берди. Актриса бу ҳақда «Дарё» мухбири Феруз Муҳаммадга берган интервьюсида маълум қилди.
Деярли бир йилдан буён сериалнинг суратга олиш ишлари сабаб Туркияда яшаяпмиз. «Мендирман Жалолиддин» тарихий сериалида ўзим учун ҳаракат қилмадим, балки бутун Ўзбекистон учун ҳаракат қилдим. Бу жуда ҳам катта масъулият, ушбу масъулиятни ҳис қилиб меҳнат қилдик.Маълумот учун, «Мендирман Жалолиддин» сериалининг биринчи фасли 13 қисмдан иборат. Лойиҳа раҳбари Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева. Ғоя муаллифи ҳамда бош продюсер Ўзбекистон маданият вазири Озодбек Назарбеков.Ватан, оила, фарзандлар соғинчи, оилам келиб-кетиб туришган бўлса ҳамки, уларнинг соғинчи анчагина қийинчилик туғдирди.
Турк сериалларини кўришни яқин уч ойдан бери бошладим. Бунинг сабаби турк тилини яхши ўрганишимиз керак эди. Биз ролимизни турк тилида ижро этдик. Туркларда тайёргарлик мактаби жуда ҳам кучли экан. Ҳамма нарсада, масалан, тўй қиласизми, байрамми, тадбирми, тайёргарлигингиз яхши бўлмаса, демакки ўша лойиҳа яхши бўлмайди. У хоҳ спектакль бўлсин, хоҳ кино, фарқи йўқ. Шу каби бундай катта лойиҳага ҳам катта тайёргарлик кўриш керак. Шу нарса бизни жуда ҳам ўзига жалб этди. Балки, биз қилич тутмасмиз, балки от минмасмиз, лекин бутун жамоа ҳаммаси шу ишни қилиши шарт. Шартномага қўл қўясиз: эркаклар, аёллар бир хил вазифани бажаради. Мен чарчаб қолдим, мен аёлман деган гап йўқ. Аскарлар сингари ишладик, меҳнат қилдик. Бу мактаб жуда ҳам қизиқ.
Ушбу сериалда суратга тушаётганимдан жуда ҳам хурсанд бўлдим. Бу фаолиятимдаги энг катта лойиҳа. Айнан шу лойиҳада гонорар ҳақида умуман гаплашмадик. Мен учун ҳозирги пайтда гонорар эмас, мени ижод маҳсулим жуда-жуда керак. Гонорарим меҳнатимга яраша, ишонинг!
Райҳон Уласенова, актриса ва бошловчи
Сериал бош режиссёри Метин Гунай, режиссёр Нургисса Алмурат, сценарий муаллифи ҳамда продюсер Меҳмед Боздағ ҳисобланади. Фильм Туркиянинг «Боздағ фильм» компанияси томонидан суратга олинмоқда. Кенг жамоатчилик учун премьера 2021 йилнинг январь ойидан бошланади.
Изоҳ (0)