«Барселона» собиқ ҳужумчиси Луис Суарес клубни тарк этиб, «Атлетико»га ўтиб кетишига Лионель Мессининг муносабати ҳақида гапирди.
Мессининг реакцияси мени ҳайрон қолдирмади, чунки уни жуда яхши биламан ва мен каби қандай оғир ҳисларни туйганини тушуниб турибман. У мени клубдан улоқтириб юборишган деб ҳисоблайди. Менга боғлиқ масалани ҳал этишнинг бошқа йўллари ҳам бор эди. Клубдаги олти йилим бу каби якунлангани Мессига ёқмади.Эслатиб ўтамиз, «Барселона» сентябрь ойида уругвайлик футболчини «Атлетико» сафига қўйиб юборди.Оилам бахтли бўлишимни истади. «Барселона»да ғалати ишлар бор. Масалан, агар кейинги ўйинда иштирок этмаслигинг аён бўлса, бошқалардан алоҳида машғулот ўтайсан. Шу сабаб ўзимни ёмон ҳис қилдим, яқинларим буни кўрди ва янги чорловни қабул қилишга илҳомлантирди.
«Атлетико» таклиф билан чиққанда бир сония ҳам ўйлаб ўтирмадим. Албатта, у ерда айрим жиҳатларга мослашишим керак, бироқ у ерда бахтлиман.
Луис Суарес, «Атлетико» футболчиси
Аввалроқ Лео Месси каталон клубининг ушбу қарорига ўз муносабатини билдирганди.
Мавзуга доир: «Сен клубдан бу каби ирғитиб юборишларига лойиқ эмас эдинг». Лео Месси «Атлетико»га ўтиб кетган Луис Суаресга очиқ хат йўллади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)