“Barselona” sobiq hujumchisi Luis Suares klubni tark etib, “Atletiko”ga o‘tib ketishiga Lionel Messining munosabati haqida gapirdi.
Messining reaksiyasi meni hayron qoldirmadi, chunki uni juda yaxshi bilaman va men kabi qanday og‘ir hislarni tuyganini tushunib turibman. U meni klubdan uloqtirib yuborishgan deb hisoblaydi. Menga bog‘liq masalani hal etishning boshqa yo‘llari ham bor edi. Klubdagi olti yilim bu kabi yakunlangani Messiga yoqmadi.Eslatib o‘tamiz, “Barselona” sentabr oyida urugvaylik futbolchini “Atletiko” safiga qo‘yib yubordi.Oilam baxtli bo‘lishimni istadi. “Barselona”da g‘alati ishlar bor. Masalan, agar keyingi o‘yinda ishtirok etmasliging ayon bo‘lsa, boshqalardan alohida mashg‘ulot o‘taysan. Shu sabab o‘zimni yomon his qildim, yaqinlarim buni ko‘rdi va yangi chorlovni qabul qilishga ilhomlantirdi.
“Atletiko” taklif bilan chiqqanda bir soniya ham o‘ylab o‘tirmadim. Albatta, u yerda ayrim jihatlarga moslashishim kerak, biroq u yerda baxtliman.
Luis Suares, “Atletiko” futbolchisi
Avvalroq Leo Messi katalon klubining ushbu qaroriga o‘z munosabatini bildirgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)