Бразилиялик тажрибали яккакурашчи Рафаэл дос Аньосда (29-13) коронавирус аниқланди.
Дос Аньос 24 октябрь куни бўлиб ўтадиган UFC 254 мусобақасида россиялик яккакурашчи Ислом Махачевга (18-1) қарши жанг қилиши режалаштирилганди. Эндиликда мазкур жанг бекор бўлди.
Айни дамда Абу-Дабида енгил вазн тоифаси иштирокчилари орасида Майкл Чендлер (21-5) бор ва у жангда Рафаэлнинг ўрнини эгаллаши мумкин.
UFC 254 мусобақаси 24 октябрь куни Абу-Дабидаги «Жангчилар ороли»да бўлиб ўтади. Кечанинг марказий жанги Ҳабиб Нурмагомедов ва Жастин Гэтжи ўртасида енгил вазн тоифаси чемпионлиги учун кечади.
Ислом Махачев айни дамда UFC рейтингида 11-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)