«Барселона» раҳбарияти ҳужумчи Усмон Дембеленинг келажаги билан боғлиқ масалага ойдинлик киритди
Carrusel Deportivo нашрининг хабар қилишича, 23 ёшли футболчи каталонлар сафини тарк этмайди. «Барселона» бош мураббийи Рональд Куман ўйинчи билан бўлган суҳбатда унга ишонч билдиришини маълум қилган.
Аввалроқ Дембелега «Манчестер Юнайтед»дан қизиқиш борлиги хабар қилинганди. Шунингдек, айрим хабарларда футболчи «Барселона»да қолишни истаётганига қарамай, «кўк-анорранглилар» раҳбарияти уни сотиб юбориш ниятида экани айтилганди.
Усмон 2019/20 йилги мавсумнинг катта қисмини жароҳатлар сабаб ўтказиб юборди. У жорий мавсумда Ла Лига доирасида битта ўйин ўтказди.
Франциялик футболчи 2017 йилда Дортмунднинг «Боруссия»сидан 130 миллион евро эвазига «Барселона»га ўтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)